ПРОДОЛЖЕНИ И УСОГЛАСЕНИ КОЛЕКТИВНИТЕ ДОГОВОРИ ЗА ТЕКСТИЛНАТА, КОЖАРСКАТА И ЧЕВЛАРСКАТА ИНДУСТРИЈА
Денес во Сојузот на синдикатите на Македонија Синдикатот од текстилната, кожарската и чевларската индустрија со Здружението за текстилна индустрија и Здружението за кожарска и чевларска индустрија при Организацијата на работодавачи потпишаа спогодби за продолжување и усогласување на колективните договори за овие дејности.
Претседателот на СТКЧ Анѓелко Анѓелковски и претседателот на Здружението за текстилната индустрија при Организацијата на работодавачи Димитар Поповски потпишаа два документи: “Спогодба за продолжување на важноста на Колективниот договор за текстилната индустрија на РМ“ и “Усогласување на Колективниот договор за текстилната индустрија на РМ“.
Анѓелко Анѓелковски и Костадин Барзов, претседател на Здружението за кожарска и чевларска индустрија при ОРМ, исто така потпишаа “Спогодба за продолжување на важноста на Колективниот договор за кожарска и чевларска индустрија на РМ“ и “Усогласување на Колективниот договор за кожарска и чевларска индустрија на РМ“.
На чинот на потпишувањето присуствуваа Ангел Димитров, претседател на ОРМ, како и синдикални активисти на поголемите претпријатија од трите дејности.
На потпишувањето беше истакнато дека беше потребно колективните договори да се усогласат со Законот за работни односи, Законот за минимална плата и Усогласувањето на Општиот колективен договор за приватниот сектор од областа на стопанството. Исто така беше нагласено дека најбитно е почитување на одредбите на колективните договори, зачувување на рабнотните права и постепено зголемување на платите во трите гранки.
СПОГОДБА ЗА ПРОДОЛЖУВАЊЕ НА ВАЖНОСТА НА КОЛЕКТИВНИОТ ДОГОВОР ЗА ТЕКСТЛНА ИНДУСТРИЈА НА РМ
УСОГЛАСУВАЊЕ НА КОЛЕКТИВНИОТ ДОГОВОР ЗА ТЕКСТИЛНАТА ИНДУСТРИЈА НА РМ
СПОГОДБА ЗА ПРОДОЛЖУВАЊЕ НА ВАЖНОСТА НА КОЛЕКТИВНИОТ ДОГОВОР ЗА КОЖАРСКА И ЧЕВЛАРСКА ИНДУСТРИЈА НА РМ
УСОГЛАСУВАЊЕ НА КОЛЕКТИВНИОТ ДОГОВОР ЗА КОЖАРСКА И ЧЕВЛАРСКА ИНДУСТРИЈА НА РМ
