СЕМИНАР ЗА БЕЗБЕДНОСТ И ЗДРАВЈЕ НА ЕВРОПСКИОТ ПРОЕКТ “ECBOHS“
Денес во Сојузот на синдикатите на Македонија се одржа семинарот “Улогата на синдикалниот претставник за унапредување на безбедноста и здравјето при работа“. Слушатели беа претседатели на синдикални организации од синдикатите здружени во ССМ.
Семинарот го отвори секретарот на Советот на ССМ Анѓелко Анѓелковски, додека Белинда Николовска, генерален секретар на Организацијата на работодавачи, ги запозна присутните со активностите за безбедноста и здравјето од страна на асоцијата на работодавачи. Медијаторот Инда Савиќ од ССМ зборуваше за улогата, задачите и одговорностите на синдикалните претставници.
На семинарот предаваше Слободанка Таушанова, инспектор за безбедност и здравје од Државен трудов инспекторат. Џеф Бриџфорд, поранешен директор на “Европскиот синдикален колеџ“ зборуваше за политиките и проблемите со безбедноста и здравјето во европските земји. Бриџфорд ја водеше Работилницата “Што можат да направат синдикалните претставници за да ја подобрат нивата работа?“.
Денешната обука е дел од проектот “Европски мостови на соработка за безбедност и здравје“ (ECBOHS), во чии рамки се одржани повеќе конференции, семинари, тркалезни маси и работилници во Република Македонија и во други земји.
