ОДРЖАНА ШЕСТАТА СЕДНИЦА НА СОВЕТОТ НА ССМ
Денес се одржа Шестата седница на Советот на Сојузот на синдикатите на Македонија. Претседателот Живко Митревски на советниците им ја објасни содржината на Предлог – законот и потребата од донесување посебен закон.
Предложениот текст на ССМ, кој ќе се достави до Економско – социјалниот совет, дава одговор на најбитните прашања околу мобингот. Опфатени се правата и обврските на работниците и работодавачите, постапките, судската заштита, прекршочните одредби и другите компоненети кои целосно ја покриваат материјата на мобингот.
Како што е познато, ССМ на Први мај официјално ја започна кампањата за донесување посебен закон за мобинг. Резултатите од анкетата и од проектот што го водат ССМ и Синдикатот за финансиски дејности покажаа дека има потреба од донесување на посебен закон против психичкото малтретирање на работните места. Анкетите покажаа дека една третина од анкетираните работници почувствувале психички притисок на работните места. Во текот на месец мај, пак, одржана е обука во три дела на антимобинг советници и доделени се дваесет лиценци на антимобинг советници.
Советот расправаше и за други тековни прашања, посебно за ставовите и позицијата на ССМ околу Законот за измени и дополнување на Законот за пензиско и инвалидско осигурување.
