РАБОТИЛНИЦА ЗА БЕЗБЕДНОСТ НА СИНДИКАТОТ ЗА ХЕМИЈА

Синдикатот на хемија, неметали и метали од 6 до 9 мај во Охрид организираше работилница за безбедноста и здравјето при работа. Разгледувани се законот, улогата на претставниците за безбедност и начинот за изготвување изјава за безбедност...

Синдикатот на хемија, неметали и метали на Македонија (СХНМ) од 6 до 9 мај во Охрид, во одморалиштето на МВР, организираше тродневна работилница, посветена на безбедноста и здравјето при работа. На работилницата учествуваа над 50 синдикални повереници, активисти, претставници за безбедност во претпријатијата, како и претставници на Унијата на слободните синдикати на Црна Гора.
Како што информира претседателот на СХНМ Зоран Мироновски, работилницата вклучи две теми: “Законот за безбедност и здравје при работа и претставниците на вработените за безбедност и здравје при работа“ и “Правилникот за начинот за изготвување на изјава за безбедност, нејзината содржина, како и податоци врз кои треба да се заснова проценката на ризик“. Предавач за двете теми беше Александар Матеев од Службата за безбедност и здравје во АД “Алкалоид“.