ЧЕСТИТКИ ПО ПОВОД ДЕНОТ НА НАРОДНОТО ВОСТАНИЕ 11 ОКТОМВРИ

Внимание, се отвора во нов прозорец. PDFПечатиЕ-пошта

ЧЕСТИТКИ ПО ПОВОД  ДЕНОТ НА НЕЗАВИСНОСТА

По повод 11 Октомври, Денот на народното востание на Република Македонија, претседателот на Сојузот на синдикатите на Македонија д-р Живко Митревски упати честитки до
г. Ѓорѓе Иванов, Претседател на Република Македонија,
г. Трајко Вељановски, Претседател на Собранието на Република Македонија,
г. Никола Груевски, Претседател на Владата на Република Македонија и
г. Тодор Атанасовски, Претседател на Сојузот на борците на НОАВМ 1941 – 1945 на Република Македонија

 
Честитката гласи:

Од името на Сојузот на синдикатите на Македонија и од мое лично име примете честитки по повод 11 Октомври, Денот на народното востание на Република Македонија.

За Сојузот на синдикатите на Македонија, за работниците – нашето членство ова е значаен ден од македонската историја кој се слави како борба за национална слобода и за остварување на вековните заложби, граѓаните - работниците во Република Македонија да творат и достоинствено да живеат од својот труд.

Придобивките од македонската револуционерна борба не обврзуваат сите да продолжиме да ја градиме нашата држава како современа, демократска и правна држава во која секој граѓанин ќе има еднакви можности да креира пристоен и примерен живот за себе и за своето семејство. Економско-социјалните права и интереси на трудот се темелни човекови права кои се загарантирани со највисоките правни прописи на Република Македонија, кои се темелат врз меѓународното трудово право.

Единаесетти Октомври е симбол, гордост и традиција на македонскиот народ во остварувањето на подобра сегашност за денешните и подобра иднина за наредните генерации во Република Македонија.

Со почит,

Сојуз на синдикатите на Македонија
ПРЕТСЕДАТЕЛ
Д-р Живко Митревски

ILO Employment, Social Affairs and Equal Opportunities - EU FRIEDRICH EBERT STIFTUNG Организацијa на работодавачи на Македонија etuc