НОВИ РАЗГОВОРИ ЗА КОЛЕКТИВНИОТ ДОГОВОР ЗА СТОПАНСТВО

19.07.2013

Претседателите на ОРМ и ССМ, Ангел Димитров и д-р Живко Митревски

Продолжија преговорите за измени и дополнувања на Општиот колективен договор за приватниот сектор од областа на стопанството. Денес во ССМ се одржа нова средба меѓу Сојузот на синдикатите на Македонија и Организацијата на работодавачи на Македонија, на која се разговараше за измените и дополнувањата на Колективниот договор.

На средбата учествуваа претставници на двете организации, кои беа предводени од претседателите д-р Живко Митревски и Ангел Димитров.

Двата социјални партнери имаат чести и динамични средби на кои се разгледуваат предлозите, барањата и ставовите на двата социјални партнери. Претходната средба се одржа пред три дена, на 16 јули, во просториите на ОРМ.