СЕМИНАР НА СГИП ЗА ЖЕНИТЕ ЧЛЕНКИ

Внимание, се отвора во нов прозорец. PDFПечатиЕ-пошта

3.07.2013

Дел од учесничките на семинаротДел од учесничките на семинаротВо рамките на Кампањата на синдикатите од Југоисточна Европа, кои се членки на Светскиот синдикат за градежништво, шумарство и дрвна индустрија – BWI, "Денес и секогаш-достојна работа за жената", Синдикатот за градежништво, индустрија и проектирање на Република Македонија – СГИП на 29 јуни 2013 година во село Сириќино организираше семинар на тема "Законски прописи за еднаква работа на жените и мажите".

Предавач беше Секретарот на СГИП Благуна Стојкоска, додека на темата "Превентивна заштита на жените од остеопороза" предавач беше проф. д-р. Снежана Марковска од Здружението за заштита од остеопороза на Република Македонија.

Семинарот имаше голема масовност, бидејќи учествуваа вкупно 172 жени, кои дискутираа за спроведување на подобри услови за работа и подобрување на правата од работен однос.

Од посебно значење е што учеството на млади жени е се поголемо, бидејќи на овој семинар имаше над 60 млади учеснички.

Во рамките на семинарот се одржа и рекреативна активност "Вешта жена" преку која жените се покажаа со своите домашни производи и вештини.

Ваквите активности на Секцијата жени при СГИП се од големо значење за СГИП и за самите учеснички. Интересот на жените да се вклучат во синдикатот е голем, а остварувањето на правата од работен однос е речиси еднаков како и мажите. Голем број од жените учеснички на семинарот се докажале како врвни во струката и се одговорни за градење на голем број градежни објекти.

Големиот интерес на членките за ваквиот начин на едукација и информирање е поттик за СГИП да продолжи со овој начин на работа во интерес на подобрување на сoстојбата на работничките во овие дејности и зголемувањето на своите членови.

ILO Employment, Social Affairs and Equal Opportunities - EU FRIEDRICH EBERT STIFTUNG Организацијa на работодавачи на Македонија etuc