ОДРЖАНИ ПРЕС КОНФЕРЕНЦИИ НА ШЕСТ РЕГИОНАЛНИ СИНДИКАЛНИ ПРЕТСТАВНИШТВА НА ССМ ЗА ЕВРОПСКИОТ ДЕН НА АКЦИЈА
14.11.2012
По повод Европскиот ден на акција денес шест регионални синдикални претставништва на ССМ одржаа прес конференции. Тоа се регионалните синдикални претставништва во Тетово, Битола, Прилеп, Делчево, Велес и Охрид.
Прес конференциите ги држеа секретарите на регионалните синдикални претставништва и претседателите на синдикалните организации на претпријатијата и установите од регионот. Пред локалните весници, телевизии и радија, како и дописништвата на националните новински куќи, беше прочитано обраќањето на ССМ до Владата (целосно е објавено на истиов портал) и исто така беа дадени одговори на конкретни прашања од новинарите за платформата за дејствување на ССМ.