ПРОМОВИРАНА ПУБЛИКАЦИЈА ЗА ЖЕНСКАТА СЕКЦИЈА НА СГИП

Секцијата на жени при Синдикатот за градежништво, индустрија и проектирање на Република Македонија – СГИП продолжува со своите активности и во наредниот период. Од 21. до 26. октомври 2012 година во Варшава на Европскиот комитет на BWI се промовираше “Публикацијата за активностите на Секцијата на жени на СГИП“.

Публикацијата е плод на трудот во изминатиот период од две години, во кој свој придонес дадоа жените синдикалки, членови при оваа секција. Оваа публикација е изработена со цел да се информираат жените во градежништвото за нивните права, за нивната заштита при работа, за улогата на жената и севкупните активности на оваа Секција која работи во склоп на СГИП.