СЕМИНАР СО ИДНИТЕ ГРАДЕЖНИЦИ
23.05.2012
Денес Синдикатот за градежништво, индустрија и проектирање (СГИП) одржа семинар за средношколците од средното градежно училиште “Здравко Цветковски“ во Скопје.
Темата на семинарот беше “Улогата на СГИП во сузбивање на работата на црно и правата на работниците согласно Законот за работни односи и колективните договори“. Предавачи на семинарот беа Благуна Стојкоска, секретар на СГИП, Иван Пешевски, асистент на претседателот на СГИП, Мики Лазаревски од АД Козјак Куманово и член на Секцијата на млади при СГИП и Ивана Димитрова - Журовска, координатор на Секцијата на млади при СГИП.
На овој семинар се зборуваше и за правата на младите и жените според Законот за работни односи, предностите од членувањето во синдикатот и потпишаните колективни договори. На семинарот присуствуваа над 40 ученици, како и професори во ова училиште.
Денешниот семинар е дел од Програмата на СГИП за информирање на учениците, студентите и невработените за нивните права при вработувањето во компаниите. СГИП преку Секцијата на млади ќе продолжи и во наредниот период да ги информира и запознава сите млади преку овој тип на предавања.