СЕМИНАР ЗА ПРИМЕНАТА НА ТРУДОВИТЕ ЗАКОНИ
20.03.2012На 19 и 20 март во Скопје се одржа семинар на теми прашања и проблеми поврзани со примената на Законот за работни односи и судската пракса. Семинарот се одржа со помош на Фондацијата “Фридрих Еберт“, додека учесници беа секретарите и координаторите на регионалните единици и правните застапници на ССМ.
Судијата Ѓорѓи Христовски од Основниот суд – Битола предаваше на темата “Примена на Законот за работни односи - договор за вработување, анекс и распоредување“, додека судијата Петкана Јадровска од Апелациониот суд во Битола зборуваше на темите “Отказ од работен однос по вина и од лични причини на работникот“ и “Отказ од работен однос од деловни причини“.
На семинарот синдикалците се советуваа околу примената и на други прописи и измени во трудовото право, како усогласувањето на општите колективни договори со Законот за работни односи и Законот за минимална плата, Законот за јавни службеници и Законот за државни службеници и за други прашања.