СПОГОДБА ЗА СОРАБОТКА НА МАКЕДОНСКИОТ И СРПСКИОТ СИНДИКАТ ЗА ХЕМИЈА
15.03.2012
Претседателството на Синдикатот на хемија, неметали и метали на Македонија на денешната седница донесе одлука за потпишување на спогодба на соработка со Самостојниот синдикат на хемија и неметали на Србија. Договорено е потпишувањето на спогодбата да се одржи од 11 до 13 април во Пролом Бања, Србија.
Најзначајна новост е што со спогодбата двата синдикати ќе ги регулираат правата на македонските државјани кои работат во Србија и обратно, на српските државјани во Македонија. Меѓу другото треба да се регулираат правата на годишен одмор, пензија, односно треба да се постигне позицијата сите права на лицата со друго државјанство да биде иста како и на работниците во матичната земја.
Една од целите на двата синдикати е да се приклучат и другите синдикати од овие дејности од екс – ју просторот, со цел координирање на заедничките интереси. Предност се долгогодишните врски, компатибилноста на стопанствата и сличноста на проблемите.
СХНМ е поканет да учествува на Спортските игри на ССХНС, што ќе се одржат во средината на јуни во градот Кладово.