ЈАВНА ДЕБАТА ЗА РОДОВАТА РАМНОПРАВНОСТ ПРИ ВРАБОТУВАЊЕТО

Внимание, се отвора во нов прозорец. PDFПечатиЕ-пошта

22.06.2010

Во рамките на Проектот “Отворен дијалог за општествената вклученост на младите и нивните работнички права во РМ“ денес во Универзитетската библиотека во Скопје ќе се води панел дискусија за родовата рамноправност...

 

“Родовата рамноправност при вработувањето“ е тема на денешната јавна дебата - панел дискусија, која ќе се одржи во Центарот за конференции и студии на Националната и универзитетска библиотека “Свети Климент Охридски“ во Скопје и Британскиот совет во Македонија.

Панел дискусијата се одржува во склоп на двегодишниот проект “Отворен дијалог за општествена вклученост на младите луѓе и нивните работнички права во Република Македонија“. Проектот заеднички го водат Балканската фондација за деца и млади, Економскиот факултет при Универзитетот во Љубљана и Сојузот на синдикатите на Македонија.

Како предавачи во првиот дел, со почеток во 16 часот, ќе настапат Сара Слана од Канцеларијата за родовата рамноправност при Владата на Република Словенија, Елена Грозданова, државен советник за еднакви можности во Министерството за труд и социјална политика и Ахмед Јашаровски, претседател на невладината организација “ДРОМ“ од Куманово. Во вториот дел на сесијата ќе предаваат Ѓулумсере Касапи, професор на Педагошкиот факултет “Свети Климент Охридски“ - Скопје, Адвие Љатифи, претседател на невладината организација “Флоренс Најтингел“ од Куманово, Петар Бурназ, претседател на невладината организација “Полио минус“ - Скопје и Лилјана Јанкуловска од Сојузот на синдикатите на Македонија.

ILO Employment, Social Affairs and Equal Opportunities - EU FRIEDRICH EBERT STIFTUNG Организацијa на работодавачи на Македонија etuc