КОНФЕРЕНЦИЈА НА МЕЃУНАРОДНАТА ОРГАНИЗАЦИЈА НА ТРУДОТ

Внимание, се отвора во нов прозорец. PDFПечатиЕ-пошта

4.06.2009

Од 3 до 19 јуни во Женева се одржува 98 – та конференција на МОТ. Централна тема е влијанието на светската економска и финансиска криза врз вработеноста...

 

 

На 98 – та годишна конференција на Меѓународната организација на трудот (МОТ), која се одржува од 3 до 19 јуни во Женева, Швајцарија, централна тема се глобалните одговори на се поголемото влијание на светската економска и финансиска криза врз вработеноста.

На конференцијата ќе учествуваат околу 4.000 претставници на влади, работодавачи и синдикални организации од целиот свет. Вообичаено делегациите на земјите членки се составени од претставници на владите, работодавачите и синдикатите. Во делегацијата на Република Македонија, која на Конференцијата ќе учествува од 15 до 17 јуни, Сојузот на синдикатите на Македонија ќе го претставува Анѓелко Анѓелковски, претседател на Синдикатот за текстил, кожа и чевли.

Во склоп на конференцијата ќе се одржи самит на МОТ за глобалната криза на работните места, а ќе бидат организирани и панел – дискусии на највисоко ниво.

Претставниците на владите, работодавачите и работниците од 184 земји членки на МОТ ќе расправаат и за нацртот на работничките стандарди врзани со болеста АИДС. По прв пат после 24 години на невен ред на Конференцијата ќе се расправа за половата еднаквост.

ILO Employment, Social Affairs and Equal Opportunities - EU FRIEDRICH EBERT STIFTUNG Организацијa на работодавачи на Македонија etuc