ОДРЖАН 13ТИОТ КОНГРЕС НА ЕВРОПСКАТА КОНФЕДЕРАЦИЈА НА СИНДИКАТИ

Внимание, се отвора во нов прозорец. PDFПечатиЕ-пошта

29.9-2.10.2015

Слика 1. Обраќање на претседателот на Франција, Франсоа Оланд на 13тиот Конгрес на ЕКССлика 1. Обраќање на претседателот на Франција, Франсоа Оланд на 13тиот Конгрес на ЕКС

13тиот Конгрес на Европската конфедерација на синдикати беше одржан под мотото "Застанете во знак на солидарност за квалитетни работни места, работнички права и фер општество во Европа" и истиот беше конципиран преку четири панел дебати насловени: Квалитет на работните места за младите, Квалитетно вработување за сите, Борба против социјалниот дампинг и Улогата на ЕКС на кои се дискутираа темите од Програмата на ЕКС за следниот мандатен период 2015-2019, кои опфаќаа три столба за дискусија: Столб I: Силна економија за сите работни луѓе, Столб II: Посилни синдикати за демократски вредности и демократија на работа и Столб III: Јадро на амбициозните социјални стандарди.

Слика 2. Членовите на РСС СолидарностСлика 2. Членовите на РСС Солидарност

Во рамките на Конгресот, по иницијатива на Регионалниот синдикален совет Солидарност, за прв пат во Управувачкиот Комитет предвидено е и место и за синдикатите кои делуваат во РСС Солидарност, што претставува исклучителен резултат и признание за развојот на синдикалното движење во овие простори. Исто така, членките на РСС Солидарност одржаа состанок поврзан и со актуелните состојби во регионот, беа разгледувани повеќе теми и заземени ставови во врска со расправите на конгресот, а беше донесен и соодветен заклучок во врска со актуелните состојби во Сојузот на синдикатите на Црна Гора, со тоа што беше договорено оваа тема да биде ставена на дневен ред и на пленарната седница на РСС Солидарност која ќе се одржи во Скопје од 10-13 октомври 2015 година, а за заклучоците по однос на оваа тема да бидат информирани колегите од Сојузот на синдикатите на Црна Гора.

На Конгресот беше усвоена Програмата на ЕКС за следниот мандатен период 2015-219 и беа усвоени повеќе резолуции кои може да се најдат на следниот линк: https://www.etuc.org/resolutions-adopted-etuc15-congress-paris, а се однесуваат на бегалската криза, референдумот на Велика Британија за нова стратегија за преговарање, ситуацијата со грчките работници, БЗР и сл.

Делегатите на Конгресот, од кои 42% жени, со соодветна делегатска застапеност и на млади, во составот на делегациите покажаа изразита солидарност кон решавање на прашањата за решавање на бегалската криза. Солидарноста и единството особено беа изразени и со скоро единствено усвојување на конгресните документи и изборот на органите и телата.

Слика 3. Претседателот на ССМ, д-р Живко Митревски со новоизбраниот генерален секретар на ЕКС, Лука ВисентиниСлика 3. Претседателот на ССМ, д-р Живко Митревски со новоизбраниот генерален секретар на ЕКС, Лука Висентини

На местото на досегашниот Генерален секретар, Бернадет Сегол беше избран Лука Висентини, а за заменици генерални секретари беа избрани Вероника Нилсон и Петер Шерер.

ILO Employment, Social Affairs and Equal Opportunities - EU FRIEDRICH EBERT STIFTUNG Организацијa на работодавачи на Македонија etuc